"Kaputxino Musikagileak" VI. kontzertu-zikloa - 2026

OE OFICINAk, Espainiako Frantziskotar Kaputxinoen Probintziarekin lankidetzan, konpositore kaputxinoen musika-ondarea balioesteko kontzertu-zikloaren seigarren edizioa aurkezten du. Ziklo honek Aita Donostia, Lorenzo Ondarra eta Lizarrako Hilario Olazaran bezalako musikagileen lana nabarmentzen du.

Musikari hauen obrak, hasiera batean argitaratu gabeko partituren bidez ezagutarazi zirenak, nazioarteko errepertorio handiko musikarien lanekin batera proposatzen dira ziklo honetan. Horrela, publikoari kaputxinoen ekoizpen artistikoaren kalitatea balioesteko eta oihartzun handieneko musika-lanekin dituzten erlazioak hautemateko aukera ematen zaio.

Edizio honetan, arreta berezia eskaintzen zaio musikan agertzen den frantziskotar espiritualtasunari, San Frantzisko Asiskoaren heriotzaren 800. urteurrena ospatzen dela eta.